Saturday, January 30, 2010

Jollijeep #1: Mga Kwentong Kwik-kwik*

DYUS

Di na kayang ibsan nang sunud-sunod kong paglunok ng laway ang disyerto sa aking lalamunan. Dangan kasi'y wala pa itong putanginang si Miyong. Ilang oras na nga ba kong naghihintay? Damang-dama ko na sa batok ang nangangagat na sikat ng araw. Kung may kuwelyo lang sana itong tisert. Teka, kailan ba ko huling nagsuot ng may kulyar? Di ko na matandaan. Pasado alas-dose o ala-una o alas-dos na. Tirik na siguro ang araw kaya manakanaka na ang mga nag-ooberpas. Di pa ko kumakain. Tanghalian na...o lampas. Miyong, putangina ka saan ka na ba?

Tandang-tanda ko, Sabado noon--huling araw sa pabrika. Plantsado na ang inuman namin nila pareng Pilo at ng demonyong si Domeng. Sosolohin ko si Nila mamayang gabi pagkatapos. May panglabas ako--labas na sa intrega kay misis. Suweldo ngayon, ilang oras lang uwian na. Petiks muna...mabagalan nga itong pesteng makina. Tutal kanina pa ko kota, sapat na 'yun. Baka sumobra yaman ng putanginang si Mister Tsipeko. Yosi muna dito sa likod ng tangke, wala namang nakaka-- Kabum!

Mula nang maaksidente ako ay lalo kaming nabaon sa utang sabi ni Hulya. 'Yun ang huli naming pag-uusap. Nang ilabas ako sa ospital, nalaman kong wala na pala akong pamilyang babalikan. Sumama raw sa ahas na si Domeng ang aking putanginang asawa. Ang mga anak ko naman ay inuwi sa probinsya ng aking putanginang biyenan. Mag-isa na ko sa mundo ngayon. Gusto ko mang iyakan sila muli ay wala na kong luhang mapipiga. Tulad ng lalamunan ko, tuyot na rin ang aking mga mata...matagal na.

Katsing! Kalansing ng latang nakikipagpatintero sa mga paang umaakyat sa hagdan. Uy! May nagbigay. Dagling hinanap ng mga daliri't kamay ko sa semento ang pinagmulan ng tunog. Natunton ng mga ito ang isang nagyeyelong bakal sa loob ng nagbabagang sisidlan. Galing erkon: mayaman! Malaki ang bilog, mabigat...salamat. Iniwan ko ang barya sa lata bilang pangati para makaakit pa ng iba.

"O 'sensya na ha, pumonta pa kong Dyolebi, wala sa Makdonal e." Tumigil ang panginginig ng kalamnan at pagwawala ng sikmura nang maulinigan ko ang boses ni Miyong. Sa wakas, grasya! Nangangatal na dila't mangilan-ngilang ngipin ang nagpaunlak sa mga buto't litid ng pritong manok.

"Nga pala, tiba tayo ngayon, nakapuno ako ng dyos." Mula sa isang basong plastik ay nagpiyesta kami sa pinyapol dyus na lasang kape, ayskrim, aysti at sopdringks.

*Flipino fastfood/flush fiction

Super Robots Part 1: from Aphrodai A to Mazinger Z & SDs (Super Deformeds) (QuickieComics.com)

http://quickiecomics.com











http://quickiecomics.com

HAInaKU! TAngiNA GA? #22-28

22-28) EYEBALL-AG
I.
cel number na paninda
sa abante'y nabenta
"cute girl" raw na chinita
maganda't simpatika

II.
text ay agad lumipad
planeta'y ginalugad
si "cute girl" ay nagalak
nang mensahe'y lumagpak

III.
"cute boy" raw ang pangalan
ng gwapo at mayaman
agad nagkasunduan
araw, oras, tagpuan

IV.
si "cute boy" berdeng damit
ang kay "cute girl" nama'y pink
sila'y parehong sabik
na makita ang ka-meet

V.
nagka-indian-an yata
sa mrt trinoma
lampas isang oras na
si "cute girl" nakatanga

VI.
hindi na napigilan
tisoy sa may tiketan
kanya nang nilapitan
para ba pagtanungan

VII.
walang kaabog-abog
mama'y dedmang sumagot:
"green ba miss, aking suot?"
sabay sibat at kamot

HAInaKU! TAngiNA GA? #13-21

13) TINA MORAN
probinsyanang si tina
labandera, cook, yaya
'pag ate'y nag-office na
sina-sideline ni kuya

14) PINING GARCIA
sekretaryang si pining
di alam ang gagawin
nang sa banyo'y yayain
ng mestisuhing bosing

15) CUTARUNGAN
umabot sa sukdulan
ginahasa't sinaktan
binaboy na utusan
amo ay pinutulan

16) O JUICE KO
mighty bond ba ang sagot
sa nabasag mong puso?
o 'tong juice na may halo
ng hinebrang panglimot

17) FAKELAT
naghilom ba ang hiwa
ng nakangangang sugat?
o parating sariwa
sa kabila ng peklat

18) SORRY I HEART U
naglagos ba sa likod
karayom ko sa dibdib?
o tumagos sa pusod
at nagbunga ng tinik

19) LOVE LATER
huling email ko'y tangan
nang ika'y matagpuan
bumubula ang bibig
ang puso'y walang pintig

20) QUEEN OF HURTS
payapang nakahiga
palibot ng kandila
koronang iaalay
sa reynang isang bangkay

21) HARI NAWA
huling text mo'y nai-save:
"i wil always luv u babe"
bago ka nagpa-delete
may signal ba sa langit?
(nang "im sory"'y mai-send)

Saturday, January 23, 2010

HAInaKU! TAngiNA GA? #1-12

1) HAPAG-SOSYALAN
facebook yaring agahan
twitter ang tanghalian
myspace sa may kapihan
friendster kapag hapunan

2) 143-3210
kinalimutan kita
hanggang sa inistapa
si motorola v3
sa ayala mrt

3) NAGKAPENG PSP
sabi nang wag magkape
pag tsina-charge sa pc
ang libangang psp
nasa huli ang sisi

4) ODA KAY RHODA
di dahil takot ako
sa erpat mong sundalo
kundi tinanggap mo ko
kahit na siraulo

5) AMBIDYOSO
kulang na lang kabaong
at lapida sa pinto
nang sa bidyo nalulong
laruang walang hinto

6) TEXTM8-R8ED GP
lunes unang nagtextan
martes nagkabiruan
myerkules nagpikunan
hwebes nagkabatian

7) TEXTM8-R8ED PG
lunes unang nagtextan
martes nagkakulitan
myerkules nagyayaan
hwebes nagkakangkangan*

*nagka-count-to-10

8) TEXTM8-R8ED X
lunes unang nagtextan
martes nasa sinehan
sa dilim nagtirahan
hanggang masaraduhan

9) SHORT TIME
oras ng pagniniig
kasing-igsi ng palda
sa silid na malamig
dalawa naging isa

10) GOTO NEPA-Q
sinabunan ng alak
at chicharong bulaklak
serbesa ang binanlaw
at walang-lamang lugaw

11) VALIWAG COURT
di ko ipagpapalit
sa aspaltong malamig
yaring upuang bakal
sa baliwag terminal

12) NOODLES & PINS
sikmurang bumaligtad
sa maghapong paglaklak
isipang lumilipad
lucky me ang katapat

Mazinger villains & Masked Riders: from Kuuga to Den-O (QuickieComics.com)

http://quickiecomics.com









http://quickiecomics.com